Dart Chiqarish operatori

Chiqarish operatori — dastur natijasini ekranga ko’rsatish vositasi. Dart’da bu vazifani print funksiyasi bajaradi. Dasturchi ishining natijasini ko’ra olmasa, kod yozishning ma’nosi qolmaydi — shuning uchun chiqarishni mukammal bilish shart.

print — Dart’da matn yoki qiymatni ekranga (konsolga) chiqarib, yangi qatorga o’tadigan funksiya.

Oddiy chiqarish

print matnni yoki qiymatni ekranga chiqaradi va avtomatik yangi qatorga o’tadi:

void main() {
  print("Salom, UzbekDevs!");
  print(42);
  print(3.14);
}

Salom, UzbekDevs!
42
3.14

print matn, son — istalgan qiymatni chiqaradi. Har bir print yangi qatorda chiqadi.

String interpolyatsiya

Dart’ning eng qulay imkoniyati — string interpolyatsiya. Satr ichiga o’zgaruvchini $ orqali to’g’ridan-to’g’ri joylashtiramiz:

void main() {
  String ism = "Master Sherkulov";
  int yosh = 30;
  print("Salom, $ism! Yoshingiz $yosh.");
}

Salom, Master Sherkulov! Yoshingiz 30.

$ism va $yosh o’zgaruvchi qiymatlari bilan almashdi. Bu + bilan ulashdan ancha o’qiladigan.

Ifoda bilan interpolyatsiya

Murakkab ifodalarni ${...} (jingalak qavs) ichida yozish mumkin:

void main() {
  int a = 15, b = 27;
  print("Yig'indi: ${a + b}");
  String ism = "farrux";
  print("Katta harflar: ${ism.toUpperCase()}");
}

Yig'indi: 42
Katta harflar: FARRUX

${a + b} — jingalak qavs ichida hisob-kitob bajarildi. Oddiy o’zgaruvchi uchun $ism, ifoda uchun ${...} ishlatiladi.

Birlashtirish usullari

Dart matnni chiqarishning bir necha usulini beradi. Ularni jadvalda ko’ramiz:

Zamonaviy Dart kodida deyarli har doim interpolyatsiya ishlatiladi — u toza va tez.

Xulosa

Bu bo’limda print funksiyasini, string interpolyatsiyani ($ va ${...}) va matnni birlashtirish usullarini ko’rib chiqdik. Interpolyatsiya — Dart’da matn yig’ishning eng qulay usuli. Keyingi darsda identifikatorga o’tamiz.