<br> tegi bitta qator pastga o'tish uchun ishlatiladi. Ko'pincha bu tegni biz matnlarni yozayotganda, matnni yangi qatorga olib o'tish uchun ishlatamiz. Lekin <br> tegini faqat matnda emas, balki boshqa teglar orasiga ham qo'yib ishlatsak bo'ladi. Misol uchun siz saytga rasm joyladingiz va rasmning pastiga uning tasnifini yozdingiz. Bu holatda rasm tasnifiga yozilgan matn rasmga yopishgan holda turadi. Bu esa foydalanuvchilarga bir qancha noqulayliklar tug'diradi. Albatta, rasm bilan matn orasidagi masofani CSS da ishlov berish orqali ham ochsangiz bo'ladi, lekin bu ishni qilish uchun siz ko'proq vaqtingizni sarflashingiz kerak bo'ladi. Buni shunchaki hech qanday CSS ni ishlatmagan holda ham qilsa bo'ladi. Shunchaki rasm bilan matn orasiga <br> tegini qo'ysangiz bas. Agar sizga yetarlicha joy ochilmasa birnechta <br> tegidan ham foydalanishingiz mumkin.
Hozir sinab ko'ramiz :
<img src="https://telegra.ph/file/ca16ea6a7c4f4a3c495f7.jpg" alt="rasm">
<h2>UzbekDevs da dasturlashni bepul o'rganing.</h2>
Lekin biz matn va rasm orasidagi masofani ko'proq ochmoqchimiz. Bunda biz <br> tegidan foydalanamiz. Rasm va matn joylashgan teglar orasiga <br> tegini qo'yib qo'yamiz. Buni esa o'zingiz bajarib natijasini sinab ko'ring. O'shandagina farqni sezasiz.
